
Wiest du, Cornielies, dat ich, Gerart van Werst, dich loes wiessen mit diesen offennen brief, also as du wale weys, dat du mich sculdich blyefz V swor gulden en XI geise, des geis du mich eyne crone. Vort so haes du mich gesiekert ende geloeft in goeden truwen, do voele goeder gesellen bi woeren mich mijn gelt te seinden te Reyarstein. Ende du des niet gedoen en haef, so loet ich dich noch wiessen mit diesen offennen brief, dat du mich mijn gelt seinden wylts mit
breingers dis brief. En woe du dis niet en deys, so wyl ich clagen allen goeden luden, wat meineger man dat du worden bis, umme die gelts wille. Vort so wille ich dijn vient sijn, ende dijn broeder Johan van der Koulen, ende wille mich hi mit diesen selven offennen brief bewart hauen, ende al die giene di ich oever u een scade mach briengen. Gheheven onder siegel
Eeris van der Slecken.